DOOD WADAAG: Miyay Liverpool Haysaa Dariiqii Ay Hore Ugu Soo Hungowday Koobka Premier league? Akhriso Kulamada U Hadhsan Man City & Liverpool Ee Koobka Lagu Go’aamin Doono.


Liverpool ayaa wax walba oo ay waqti dheer hogaanka ugu soo haysay Premier League waxay hadda isku arkayaan iyaga oo kaalinta laabad hoos hadhsanaya kooxda koobka Premier league difaacanaysa ee Man City oo meel fog ka soo dagaalantay isla markaana marti qaad fiican ka heshay Reds si ay kaalinta kowaad ugu soo laabtaan.
Liverpool ayaa tan iyo dhamaadkii sanadkii 2018 waxay ahayd kooxda ugu cad cadayd ee koobka Premier league loo saadaalinayay waxana jiray waqtiyo ay 10 dhibcood oo saafi ah hogaanka kaga sii qabtay Man City ee ka hor intii ayna kulankeeda ciyaareen, laakiin hadda Liverpool iyo Man City oo min 29 kulan ciyaaray waxaa hal dhibic saraysa Man City.
Markii ay Liverpool halka dhibic hogaanka ku haysay dad badan ayaa wax yar u arkayay laakiin hadda oo ay Man City hogaanka hal dhibic ku qabtay waxaa jira dad u arka in ay wax wayn tahay, laakiin sida la soo arkay xili ciyaareedkan wali ma dhawa in la go’aamin karo kooxda ku guulaysan doonta koobka Premier league.
Waxay u muuqataa in ay noqon doonto in Liverpool iyo Man City ay isla gaadhi karaan maalinta xili ciyaareedka ugu danbaysa iyada oo ay jiraan kulmo muhiim ah oo labada kooxoodb baaqi u ah kuwaas oo saamayn buuxda yeelan kara.
Kooxaha Liverpool iyo Manchester City waxaa hadda baaqi u ah min 9 kulan waana kulamada sida rasmiga ah logu go’aamin doono kooxda xili ciyaareedkan ku guulaysan doonta koobka Premier league.Kulamada U Hadhsan Liverpool iyo Manchester City Ee Go’aamin Kara Kooxda Ku Guulaysan doonta Koobka Premier league:
Manchester City waxaa u hadhsan laba kulan oo haddii ay ka gudubto ay ugu dhawaan ku guulaysan karto koobka Premier league waana kulanka ay Manchester United ku booqan doonto Old Trafford iyo kulankan ay Tottenham ku soo dhawayn doonto Etihad Stadium.
Laakiin kulan kastaaba hadda waxa uu noqday mid final oo kale ah, waxaana cadayn u ah sidii ay Man City min 1-0 guul ah uga soo gaadhay kooxaha West Ham United iyo Bournemouth. Miiska kala saraynta Premier league ee kadib kulamadii 29 aad.
Halkan kaga Bogo Kulamada Man City Baaqiga Uga Ah Premier league
March 9: Watford (Minan)
March 16: Manchester United (Marti)
March 30: Fulham (Marti)
April 6: Cardiff City (Minan)
April 13: Crystal Palace (Marti)
April 20: Tottenham (Minan)
April 27: Burnley (Marti)
May 4: Leicester City (Minan)
May 12: Brighton (Marti)
kulamada Liverpool baaqiga u ah:
Dhinaca Liverpool waxaa u hadhsan sagaal kulan oo ay laba ka mid ahi yihiin kuwa sida rasmiga ah u go’aamin doona rajada Reds ee koobka Premier league balse fursada ugu wayn ee ay haystaan ayaa ah in labada kulan ee ugu adag ay Anfield ku ciyaari doonaan.
Liverpool ayaa Anfield ku qaabili doonta kooxaha Tottenham iyo Chelsea, waana labada kulan ee loo arko in ay saamaynta ugu wayn yeelan karaan laakiin sida la qiyaasi karo mar haddii waqtigan la soo gaadho kulan kastaaba waxa uu leeyahay saamayntiisa.
Todoba ka mid ah sagaalka kooxood ee ay Liverpool la ciyari doonto Premier league waxay ka mid yihiin kooxaha loo arko in ay guulaysan karaan, laakiin jamaahiirta Reds ayaa haddaba ka walwalsan in inkaarta Premier League ka haysataa ay ku soo laba kaclayso.

Kulamada Liverpool Baaqiga Uga Ah Premier league

March 10: Burnley (Minan)
March 17: Fulham (Marti)
March 31: Tottenham (Minan)
April 6: Southampton (Marti)
April 13: Chelsea (Minan)
April 20: Cardiff City (Marti)
April 27: Huddersfield (Minan)
May 4: Newcastle United (Marti)
May 12: Wolves (Minan)
Haddaba akhriste, marka aad eegto kulamada u hadhsan kooxaha Liverpool iyo Mancheser City, isla markaana aad qiimayso xaalada ay xili ciyaareedkan labada kooxood ku soo jireen, kooxdee ayaad filaysaa in ay koobka Premier League ku guulaysan doonto?